蕭芳芳（右）前晚喺尖沙嘴獲某護膚品牌表揚佢對護苗嘅貢獻，陳方安生（左）就做頒獎嘉賓。早前撞碎腳趾骨嘅芳芳，前晚仍撐住枴杖到場，問芳芳有關復出拍電影嘅進展，佢話：「好耐冇睇到個角色咁鍾意，睇吓腳傷同身體係咪可以應付，對方話一日用我兩小時拍攝，但一日拍兩個鐘都要拍十幾年啦。」至於做乜角色，佢就話唔能夠透露。