由球壇踩過界拍戲嘅英國硬漢雲尼鍾斯（VinnieJones），上星期喺美國南達科他州度假時，喺酒吧因為插隊打桌球同一群酒客打交被捕。打鬥期間，雲尼俾另一人用玻璃杯打到血流披面，要入院縫咗48針。前日雲尼喺意外後出嚟見人，見佢額頭、眉骨、鼻尖同下巴成塊面都縫晒針，睇落真係幾恐怖。雖然雲尼要面臨法律訴訟，但佢話對方先撩者賤，自己冇有怕。