王力宏隻新碟今個月26號推出，唱片公司以150萬新台幣（約35萬港紙）邀請日本女歌手上原多香子做王力宏新歌《心．跳》嘅MV女主角。前日兩人喺台灣拍跳舞場面，劇情要王力宏攬實上原條腰，又輕輕掂吓佢個額頭，浪漫到暈。王力宏之前同舒淇因為拍MV而傳緋聞，問佢今次驚唔驚又嚟料？佢話：「她是我力邀來的，我要負責任。」上原就話：「很緊張，有小鹿亂撞的感覺。」