喺AV界出名玩靚線材嘅Monster，最近聯同HIPHOP界傳奇歌手兼製作人Dr.Dre，經三年練兵推出呢隻「BeatsByDr.Dre」嘅發燒級耳筒！
漆面黑、電鍍圍邊，再加粗厚線條耳筒設計，可以話秉承了HIPHOP玩家最愛嘅浮誇設計外形；論內涵時，主Sell專業錄音室級「高度清晰」質素，佢個40mm特大單元，音效範圍達20Hz-20kHz（最大承受功率115dB），故不論人聲細節，甚或雄渾嘅超低音都去得好盡，音域極廣；加上機身內置子降噪及隔音技術，聽起歌嚟，簡直係錄音室內寧靜環境重現！
由於Beats主攻數碼隨身聽同iPhone音樂等玩家，為咗驚谷唔起隻耳筒，所以機身仲內置有擴音機設計（以2粒AAA電芯供電）；跟機除送價值4百幾蚊嘅Monster原廠耳機線外，更另備一條可駁iPhone，植入咪高峯連來電接聽鍵嘅iSoniTalk耳機線，真係幾體貼。
查詢：HMV（23020122）
