西維爾不愧為小弟近期愛隊，上周歐協盃主場大勝柏廸遜3:0開「主勝」，支持〈早飛倉〉嘅朋友當然中到應；周日西甲大戰，畢傑兄亦信心十足提供西維爾對皇馬保不敗開「客勝」，結果贏到「客其他」；可惜今周中冇歐協盃賽程，轉至向另一支西甲兵維拉利爾埋手，平手盤博客軍。
歐聯E組形勢單純，曼聯同維拉利爾肯定出線，最後一仗只係爭首名；只得2分嘅些路廸，雖然距離第3嘅阿爾堡3分，但因為對賽輸蝕，今仗就算贏維拉利爾幾多球，都肯定包尾，連歐協盃資格都冇埋。
些軍肯定包尾唔搏
睇番蘇超聯，些路廸雖然喺榜首有4分優勢，但次名嘅宿敵格拉斯哥流浪上仗大炒咸美頓「七個一皮」，點到些路廸領隊史特根唔驚？而且些路廸周六更要主場面對第4位嘅赫斯，史特根仲點會係今仗例行公事搏命？
睇番維拉利爾爭首名形勢，由於佢同曼聯對賽一樣，最後一場要計得失球之下分首、次名；當然曼聯主場對住阿爾堡，理論上大炒機會高，但以曼聯上仗九牛二虎之力先險勝新特蘭，今仗未必易食；黃色潛艇唔係冇得博；以維拉利爾作客曼聯都保不敗，今次開個平手盤超高水，博你唔信啫！
今次過關簡單啲，整條2串1算數，最緊要為〈早飛倉〉帶來正數；基輔戴拿模主場對費倫巴治嘅G組賽事，大家都要爭歐協盃席位；費倫巴治作客贏波便有機，呢班波一向有前冇後，基輔戴拿模打突擊又有一手，一於博個入球「大」。
牽牛
周中早飛超級重心
星期三1
磐田山葉勝（2.25）
日職附加賽，老牌球隊磐田山葉夠級數，仙台維加泰近況回落，首回合有主場之利隨時都輸得。
星期三7
布加勒斯特星隊細（1.62）
費倫天拿只要不敗，就保住第3位，呢班波一心求守，布加勒斯特星隊唔係咁易入，博入球「細」穩。
星期三15
屈福特大（1.77）
兩軍近況都反覆，但有共通點，就係入得又失得，屈福特上仗在防守出色的伯明翰身上取得兩個入球，諾域治作客亦差勁，入球「大」好易開。
難啃早餐
星期三4
尼斯隨時輸埋
尼斯上仗不敵馬賽，8場不敗走勢告終，後防漏甩亦多，格勒諾布爾連續兩仗和波，有權爆冷。
〈早飛倉〉
主菜：星期三6維拉利爾（平）@1,000
渾水摸魚過關：星期三6維拉利爾（平）x星期三10基輔戴拿模大（1.9）2x1@500
今日早餐價錢：-$1,500
上日賺蝕：-$2,000
早飛倉結餘：$100,299
規則：$100,000本錢，每日買早餐最多動用$5,000，最少$1,000，逢周二、五起身食早餐（見報）。