阮經天前日喺台灣同女星楊謹華一齊宣傳新劇《敗犬女王》，又同fans大玩遊戲。阮經天玩呼拉圈時擰咗幾下，3秒唔夠就失手，楊謹華都忍唔住偷笑，咁失威，阮經天上訴話：「我不只3秒，至少有5秒！」點知第二次仲衰，擰咗兩秒就輸咗。之後佢抱起楊謹華玩遊戲，冇面紅冇氣喘，楊謹華都讚佢：「還蠻有肩膀，很有力。」可惜條腰冇力呢，點算呀？