「行開！行開！埋邊個、死邊個！睇我完美嘅一桿入洞，PS3手掣都冇掟爆電視機。」說的是PS3在月尾將推出的PSN下載遊戲《全喵推桿Golf》，像Wii一樣利用無線六軸手掣來玩，揮揮你的手掣，看看TORO成功入洞後有多神采。
記者︰陸俊雄
攝影︰王文忠
交叉全民高爾夫
唔使唔抵得我有得玩而你未有得玩，請放心！在19號的AGS內，貓迷亦有機會試玩，屆時還有1︰1的TORO出現，一解貓迷單思之苦。遊戲中除了玩家可以使用白貓TORO進行比賽外，還會見到經常奸笑的黑貓KURO在場邊出現，似足場地監督，而「全民高爾夫5」的代言角色Jasmine也會成為白貓的對手。
至於操控上，玩家可選擇傳統按掣式和體感式。唔使問，當然要一試後者；先按一下圓圈掣，手掣要定下來稍靜片刻，畫面叫你揮桿才揮桿，看能量Bar做人。搖動手掣時速度不宜太快，因為會感應唔到，不及Wii那麼順，就是如此簡單，與女朋友玩最好不過。
場地似波子機
細看畫面內的場地，不難發現草場旁極多圍邊路障，令高球彈來彈去。所以操控上雖容易，但好明顯不是儲力大就可以一桿就幾丈遠那回事。事實上再看清楚TORO用的只是推桿，也沒有換桿這回事，玩家似打桌球多過打Golf，考物理一樣計晒角度先夠Jasmine打。至於場地數目有9個，而且越後越唔正常，由高台到斜坡再到低地，好易打出街令人沮喪。可惜暫時未發現有隱藏角色和隱藏地形，似乎不夠熱鬧啊！
Profile
遊戲：《全喵推桿Golf》
開發︰SCE
類型︰運動
平台︰PS3
售賣形式︰PlayStationStore網絡下載
發售日︰12月尾