台灣天后張惠妹識英雄重英雄，一直好欣賞台灣女歌手江蕙（右），仲視佢為偶像。江蕙前晚喺高雄舉行第二場演唱會，阿妹病咗都去撐場，又唱又跳，但整晚嘅高潮落喺阿妹同埋江蕙一齊扭腰擺籮高唱《站在高崗上》，小瑪歌見到佢哋high爆舞台，都想扭埋一份。江蕙係咁跟住阿妹嘅節拍大跳勁舞，佢話：「不知道你會來這招，你怎樣跳，我就怎樣跟囉！」