南華有很多球迷，但如Sato與Ice這對兄妹，同樣擁護南華的可能不多，因他們除全心以實際行動支持南華，更難得是全家已視睇南華比賽為家庭日的活動。記者：曾雁平 攝影：黃冠華
Sato（哥哥）獲球員贈獎牌
4、5歲便開始睇波的Sato，波齡已逾30年，34歲的他說一識睇波已是南華迷：「家人多是南華球迷，每逢重要賽事，阿爸阿媽連同姨媽姑姐十幾人一齊入場，當作家庭日節目。」任職公務員的Sato最自豪的，是經常獲球員送贈獎牌：「因為睇波多，不少球員認得我，所以有機會我就會問球員攞獎牌，唔覺唔覺已經儲了20幾個。」
捧了南華這麼多年，原來Sato從不鬧球員：「球員最需要球迷支持，但有不少球迷見球員踢得唔好就鬧；本地足球近年水平下降，再鬧只會令球員失失慌。」
Ice（妹妹）睇靚仔睇丘仔
27歲的Ice和很多女球迷一樣，因為睇靚仔而開始睇波，不過看的是本地波。「我在90年代跟哥哥睇，有次在電視睇到南華對聖保羅，睇到當年以借用形式為南華客串的丘建威，見佢靚仔又好波就開始留意南華，更試過在加路連山道的南華會大本營等球員影相。」
任職文員的Ice現在多與「南華吹水寨」球迷睇波，順道減壓：「過去更試過因南華踢得好但輸波，傷心到喊！現在最鍾意南華嘅李志豪同廸天奴，覺得廸天奴好勁，成隻猩猩咁，但史高斯加盟後勁鍾意佢。」
「魔鬼魚」優惠益球迷
南華球迷會今日會在「南華球迷會服務處」，以優惠價300元（原價360元）發售南華主場或作客球衣，並附送「魔鬼魚電話繩乙條」，以及07/08南華相集：ManofTheMatch（原價68元），數量有限，送完即止。
