上星期港股好靜，但係技術走勢就唔錯，上周四雖然美股跌超過200點，港股上周五都可以升336點收市，加上當晚美股戲劇性先跌後急升，睇嚟好友唔會放過呢個挾倉機會，恒指今日重上14000關之上應該冇問題。花旗3大車廠可能會得到臨時貸款，如果有好消息落實，恒指可以上試50日線。
A股呢排嘅表現唔曳，H股都醒神好多，保險股早排大落後，過去幾日抽番上嚟，國壽（2628）起步慢咗啲，呢個禮拜有機會追番啲升幅，可以留意相關C輪。
國壽C輪15342：國壽上周五報收21.60元，升5.8巴仙，短線會試22.40元，破位就睇25.40元，可以諗吓隻C輪15342，現價38.5仙，有效槓桿2.7倍，正股升上25.40元，15342可見60仙，正股如果跌穿20元，就沽咗隻輪止蝕。
俊樺