呢排出街越嚟越有聖誕氣氛，噚日行過手機門市，各大電訊商又推出新優惠搶客。好似和記電訊咁，新舊客戶即日起去門市買任何手機，或者新客戶上台，都可以拎張刮刮卡抽獎，Sales哥哥同小妹講，刮卡保證一定有獎，多數都刮到元綠壽司coupon或者超市現金券；如果刮到超級大獎，獎品非常豐富。小妹一睇，啲大獎幾有創意，例如可以免費包一艘豪華遊艇玩足一日，或者借部保時捷揸6日，又或者包架直升機載幸運兒去澳門MGMGrand住一晚。Sales哥哥仲話優惠期無限，鍾意幾時嚟幫襯都得。
隔籬舖嘅數碼通都唔差，小妹係數碼通客戶，據Sales小姐話，如果我簽多15個月約，即刻零機價送部手機畀我，而且唔需要任何預繳，係真正免費有部指定型號嘅2G手機，型號包括Nokia2630、Nokia1209、SonyEricssonR306等。如果係新客戶帶號碼過台，就要參加月費128蚊嘅計劃，先可以零機價出部新手機，型號包括Nokia6120、Nokia5320等。
逢周日刊出
電郵：mailto:[email protected]