以今年經濟景氣而論，相信不少人在聖誕長假期間都情願留港消費，無謂出門遠行。最近行過旅行社與業內人士傾開偈，他們都話今年聖誕新年檔期與去年無得比，舊年係做到唔停手，今年卻蹺埋雙手，可想而知旅行社生意受金融海嘯衝擊而大打折扣。
旅遊旺季不興旺，在這種環境下，根本難有誘因去炒香港中旅（308），但股市表現或個別股份走勢，很多時不能單從公司質素或表面數據去解釋，有時炒起上嚟毋須問理由，因為股份升跌還講究當時市場炒賣焦點，不過散戶如要跟勢去炒，最好採取短線策略，見好即收，唔對路要識「閃」。
近排國企股表現搶眼，氣氛已擴散至紅籌股，深國（152）、深控（604）及越投（123）等老牌紅籌都頗見炒味，既然紅籌股已見異動，不妨留意埋香港中旅。
短炒看1.25元
香港中旅剛向PacificTravel購入美中旅公司49%權益，成為集團全資附屬公司，總代價204萬元，中旅將以內部資源支付有關收購。
該股近兩周以來，股價一直在0.90元至1元區域上落，上周五股價開始見異動，升4%，收報1.05元。中旅伺機追入短炒，目標1.25元，失守0.88元撤退。
方星俠