近日導演王家衛都忙於準備籌拍新戲《一代宗師》，不過佢就喺有「瑞典奧斯卡」之稱嘅斯德哥爾摩國際電影節獲頒遠見大獎，佢仲係首個得到呢個獎嘅亞洲電影人，真係為亞洲人爭光。王家衛亦專程到當地去領獎，攞完獎後王家衛又馬不停蹄飛去台灣出席金馬獎，為澤東嘅兩個提名人張榕容同張智霖打氣，雖然要做空中飛人，但佢一啲都唔介意。