關仁隱事:「性感唇」電暈空中少爺 - 關仁

關仁隱事:「性感唇」電暈空中少爺 - 關仁

出名嘅「性感唇」係一個性情中人,有時心情靚咪同記者傾兩句,心情唔靚就擺出個惡樣,黑口黑面,不過如果係靚仔嘅話,「性感唇」即刻醒晒,正所謂異性相吸,關仁有個靚仔空中少爺friend,有次「性感唇」搭飛機,坐頭等機位嘅佢,叫咗空中少爺埋去,佢望吓對方個名牌,就好有禮貌咁先叫佢個名,然後嗲聲嗲氣咁點咗杯香檳飲,幾識嘆!事後少爺對關仁大讚「性感唇」,話佢淡掃蛾眉,鬼死咁靚女,個空中少爺俾佢電到暈得一陣陣。
Textby關仁