鄭秀文（Sammi）、何韻詩、劉浩龍和LisaS.等昨日在尖沙嘴出席手機活動，Sammi獲贈最新手機，她謂以前有追手機款的習慣，她說：「𠵱家唔追款囉，好開心有新手機，如果要我買都未必捨得，但有時做嘢辛苦都可以買嘢獎勵自己。」
最啱出Single
Sammi透露09年會全力工作，問會否出新碟，她笑說：「大碟未必會，可能出single，襯番我。」她謂聖誕若教會搞唱佳音，她或會參加，之後就宣傳電影。阿詩稍後會舉行慈善展覽，屆時會請嘉賓剪綵，問她會否請Sammi，她說：「唔想成日叫佢，雖然我知叫佢實嚟，因為佢向緊慈善伶王出發。」Sammi聞言笑說：「唔係㗎，我都好商業。」
採訪：胡比
攝影：陳順禎