去年筆者睇好樓市，結果樓價節節上升，當時筆者估計有兩三成升幅，最後手中大部份持貨都能超額完成，相比同期股市大跌，證明當時以股換樓的決定正確。
雖然樓市火速達標，似乎升勢停不了，但士佳亦知道要分清楚投資與投機，後者到價就要走，所以筆者在年中已走了8成貨，餘下兩成預備作長期投資，但環球金融海嘯，令經濟情況急轉直下，樓市同經濟唇齒相依，如果經濟向淡，樓市一樣好極有限。若以本港失業率代表經濟，中原城市領先指數（CCI）代表樓市，便可以說明。
幾時買樓睇就業情況
其實筆者已在電視上說過，但可能圖表太小，觀眾看不清，士佳隨即收到電郵問及節目內容，所以在此再加以說明，圖A為CCI及失業率，為方便說明，筆者將失業率比例倒轉，姑且稱為就業數字，不難發現兩者走勢非常脗合，每當就業數字連續回升，加上CCI配合上升企穩，樓價便可看高一線；相反，當就業數字連續下跌，樓價往往展開跌浪。最近亦出現上述向淡形態，雖說筆者長線投資，但基本因素有變，加上圖表會說話，士佳亦會改變看法，已逐步沽出餘下樓市持貨。
樓市經過一輪淡靜之後，近日蠢蠢欲動，有發展商推出新盤，當中有豪宅，也有上車盤，以熊市中賣樓來說，反應已算相當不俗，但卻不代表樓市會從此回暖。一直以來，不斷有讀者電郵問筆者幾時可以買樓，士佳覺得買樓好個人，如果唔怕坐，唔怕蝕，只求自住，亦無不可，但若想一邊住，一邊賺，甚至炒樓，卻未必係好時機。筆者曾經指出，美元強弱影響樓價（圖B），讀者亦可看出一點端倪，但今次熊市牽連甚廣，不少傳統行業都遭殃，所以筆者才強調失業率對樓市的指標作用，若未來就業數字及CCI能做出筆者所講形態，讀者便可以考慮置業，否則貿然入市，想享受升幅，筆者未敢樂觀。
張士佳