一向以性感見稱的趙碩之，昨日夥拍𡃁模翻版樂基兒周秀娜和邦民女羅凱珊（Kama）在太古城出席活動，三人均被安排穿上聖誕服飾亮相，趙碩之以性感賣大包造型硬撼兩位𡃁模，搶盡鏡頭。趙碩之透露身價逆巿上升，現已賺夠錢交首期買樓。
趙碩之、翻版樂基兒周秀娜和邦民女Kama昨日應邀到太古城中心出席宣傳活動，三人均被安排以聖誕女郎造型現身，並在場分別替三位女士大變身，其間Kama手忙腳亂，而喜歡扮靚的趙碩之則表現得有紋有路，瞬間便完成遊戲。
火辣聖誕裝搶鏡
趙碩之昨日獲分配穿上低胸的紅色聖誕服裝，她加了一件白色tubetop，但豐滿身材依然突出，火辣性感，令身旁兩位𡃁模周秀娜和Kama頓時失色，趙碩之表示衣服是由大會提供的，但為免走光已自行加上tubetop。在金融海嘯之下，趙碩之幾乎每天都出席大小活動密密食，她坦言：「已經接咗近十個活動係聖誕主題嘅工作，自己好幸運同感激冇減價之餘仲升咗價20%至30%，可能自己比起當紅藝人價錢平，今日經理人先同我講，我賺嘅錢首期已經冇問題，會同屋企人商量吓，等樓巿穩定啲再作打算。」
Kama拒認追求者
Kama日前被拍到與中年男子約會的照片，並聲稱該男子有意追求她，但昨日Kama又突然轉口風，她說：「肯定唔係追我，我唔係咁嘅意思，有啲誤會，佢又大我咁多，我唔會鍾意，佢係我媽咪朋友，大家只係普通朋友食飯。」Kama堅稱現時沒有男友，亦沒有追求者。此外，早前她公司替她洽談一部外國電影，Kama表示由於套戲太藝術，題材不適合自己，已經正式推掉。
採訪：卓寶花 攝影：陳順禎
