經濟不景之下美國有傳媒傳出裁員，美國娛樂雜誌《Variety》報道MTV頻道將會裁減300名員工，至於與MTV同屬一間母公司Viacom嘅派拉蒙電影公司，亦都傳出裁員100人。去年拍攝猛片《鐵甲奇俠》（IronMan）嘅派拉蒙最近仲俾多名電影投資者告上法庭，指其在投資及保險事宜上隱瞞事實，導致多位事主損失合共3億港元，今次真係屋漏偏逢連夜雨。