泳兒（Vincy）最近為新碟一改以往密實形象，以性感打扮示人，雖然擁有豐滿上圍，但她強調要以健康性感為主，想不到竟吸納了不少媽咪級fans。
以往走鄰家女孩形象的泳兒，最近轉玩性感型女路線，其實Vincy身材屬有料之人，只是甚少作性感打扮，今次她為了配合新碟《PiecesofV》，才小試牛刀來個轉變，Vincy日前說：「新碟嘅主題係將我斬件，每首歌都會係身體嘅一部份，好似《小蠻腰》同《鼻敏感》等，將自己同音樂一齊同人分享。」
戒消夜收腰
問泳兒最想斬去身體那個部位？她笑說：「最唔滿意條腰，𠵱家24吋腰，最理想係22吋，因為我唔高，好易畀人感覺條腰粗，可能我好夜食嘢，搞到條腰粗晒，嚟咗香港後仲有個壞習慣，會半夜起身搵嘢食，真係要認真咁改吓。」
外間對Vincy的性感形象普遍受落，她表示開始時也害怕歌迷不接受，她說：「我唔想刻意性感，要健康性感，我又未去到可以骨子裏性感，好以莫文蔚咁，只想有多一個形象畀大家睇。」問Vincy行性感後有否吸引更多男歌迷？她說：「唔覺喎，反而多咗媽咪級fans。」
採訪：胡比
攝影：陳慧安