藍鑽石父親揸咗廿幾年的士，話我係的士養大都唔過份，對於政府唔識變通，堅持喺逆市推行「短加長減」，家父深受其害，生意難做，話唔定50出頭就要提早退休。
市道好加價當然冇問題，家陣形勢逆轉就同趕絕冇分別。最慘係政府同時冇真正去鏟班八折（甚至七折）黨，一般司機唔鋌而走險點搵食？同逼上梁山有咩分別？班政府高官用八月十五諗嘢，仲有咩好講。
世界變，唔變就瓜柴，雖然堅信史高拉利唔及摩連奴，但接連失利，經一事長一智，車仔今鋪作客保頓唔只贏，應贏得清脆。
讓球主客和：車路士勝[-1]
心得：保頓上場無故大勝
近5場往績：WWWLL
藍鑽石
與簡拿華路同日出生嘅囡囡入學，今季大把時間睇波，尤其係意甲。