周杰倫舊愛侯佩岑嘅父親侯世宏，喺呢個星期三因為心肌梗塞而喺台南成大醫院病逝，享年74歲，噚日侯佩岑忍住傷痛返去錄影節目《王牌大明星》，鏡頭前強顏歡笑鏡頭後就雙眼通紅眼濕濕，真係我見猶憐。侯佩岑嘅經理人話佢爸爸過身嗰晚，佢正喺度食緊晚餐，一接到通知立即坐車趕見爸爸，可惜都見唔到佢最後一面，但侯爸爸過身時面容安詳。