有時怪自己想得太多，顧慮太多，好友話齋「幾個人憂個天」，其實天跌落嚟當被冚，今次我心儀球隊選中陰霾漸過嘅查爾頓，在逆境中反底，作客打敗黑池。
上周六貼狼隊W失手，連累11月擂台在長期領先下，最後被趕過，輸得不值也沒辦法，但起碼上月盈餘有近16%；只怪自己在最後想保住優勢而稍為放軟注碼。今月的決心會更強，要喺心水貼士上賺盡，至於喺開倉表現一直平穩，不過注碼亦會略狠些少，要同波友早啲有錢買定聖誕禮物。
眾借將爭表現博長約
首選經常在超聯及英冠游走嘅查爾頓。該隊近年無以為繼，上屆爭升班不成，今季缺少受傷長唞嘅中場發電機、中國足球先生鄭智後，在下半年走勢形同金融海嘯，一浪低於一浪；終於在前仗主場慘敗昆士柏流浪2:5，炒了原領隊柏度。
目前查爾頓排英冠尾3，高層鑑於救亡已刻不容緩，近期在轉會市場作出極大動作，借入借出球員，務必讓年輕的暫代領隊柏堅遜撥亂反正。柏堅遜帶領首仗即敗予昆士柏流浪，但上仗返主場在多番錯失入球良機下，總算能和修咸頓止瀉，已屆隨時反底贏波。目前除柏堅遜恨擔正外，陣中擁大量著名借將包括老樸的派密斯、馬田卡尼、富咸的保亞沙及剛借得的老牌翼鋒基利士比及箭頭般頓，當中不乏要喺亂世爭取表現博長約，戰意必盛。今次作客到和波王、實力平庸嘅黑池，受讓取下盤兼可博W，希望冇追早一場（輸了，下周二主場再加注博贏高雲地利）。
阿仙奴出氣連「根」拔
另一注捧阿仙奴乘勢炒韋根，下周作客波圖和波已可首名出線，眾主力唞夠要為聯賽排名打拼了，碰巧對手前線啞火，可博[-1]W，再串布里斯托城主場贏史雲斯，開上盤同荷甲燕豪芬單W，殺低不擅作客的格羅寧根。
近5場往績：LWLLW
蘋果波神
水準有目共睹，長跟必有着數。