今晚尾場有曼聯對新特蘭，相信經過上場曼徹斯特打吡戰，紅魔10人應戰仍可以頂住，仲憑朗尼一箭定江山贏埋，取得個人職業生涯第100球，除破咗個人入球荒，亦可藉此加強信心，恢復番之前神勇狀態。
連同泰維斯都大發神威，個人轟入4球，協助紅魔大炒布力般晉身聯賽盃4強。還有C朗勇奪金球獎等利好消息，令到𠵱家成班波士氣進一步提升。
不要忘記，紅魔鬼稍後還要參加世冠盃賽事，故賽前定必在聯賽盡力搶分，拉近與榜首利物浦的距離；況且睇埋上季對賽曼聯不論主客都能贏波，可以話近年都專恰新特蘭，我深信曼聯主場再贏一定冇問題！
nowSports主持依雯
電郵：mailto:[email protected]