方力申近年主攻拍戲，其所屬公司投資的電影多數由他做男主角，如《十分愛》、《獨家試愛》等，但受注目程度不及女主角鄧麗欣。最近公司更千萬投資讓吳京初嚐執導滋味拍《狼牙》，有人笑指小方失寵，他在片中有不少打鬥鏡頭，令他大呻辛苦。
方力申的經理人黃栢高曾一度要捧他做最受歡迎男歌手，不過最近公司投資的電影《狼牙》，讓吳京夢想成真首次擔任導演，似乎轉而愛錫吳京，小方變相失寵，但他日前接受本報記者訪問時，不以為然說：「公司出年都會開戲畀我㗎！」
「真係打唔落手」
吳京執導的《狼》片中，小方飾演警察，為救人而壯烈犧牲，小方更有不少打鬥鏡頭，對他來說有點吃力，他說：「因為第一次拍打戲，對住武指真係打唔落手，我唔識打，驚一陣打親人哋點算呀？呢一幕拍咗30幾個take，唔係踢腳唔夠高，就係出拳唔似。」
單是拍這一幕打戲，差不多花了半天才完成，小方說：「佢哋想我第一次拍動作片唔好拍得太差，等人哋睇落我都OK，所以唔剪接一take過十幾個動作，但係拍咗好耐，個個都好好畀我休息吓，飲吓水，最終個武指好慘咁叫我『方生，不如你真真正正打一拳落嚟啦！』我之後先敢真係打落去。」自此小方也大呼怕怕，他認為暫時較適合拍喜劇和愛情片。
採訪：王連連 攝影：陳順禎
場地提供：CaliCali
服裝：D&G
化妝：YenLai
髮型：VincePang
