連雲格都有玩嘅足球領隊電腦遊戲FM又出09年版，小弟由CM1代支持到而家，當然即時入手；不過新加功能方面，好似3D畫面、助教提點、出席記者會等新功能，花巧有餘，對我呢啲扮專業玩家就冇咩吸引力。
FM最大賣點始終係真實性，據聞歐洲唔少大球會領隊，都透過呢個game搵新星；而09年版，曼城果然變得財力雄厚，一開始已經有6,000萬鎊畀你買人，唔夠？仲可以搵中東油王加碼。
不過現實世界，曼城又唔係咁叻，周六早場作客富咸，富咸氹仔浸蛟龍，平手盤支持富咸，幫我8連勝呀！
讓球：富咸（平）
心得：曼城作客冇料到
近5場往績：WWWWW
牽牛
列貝利、拿斯尼、哥古夫……個個都叫「新施丹」，不過施丹喺我心目中只得一個！