許志安與鄭秀文（Sammi）再見亦是朋友，對於早前Sammi自爆曾經心情抑鬱，為減肥只吃蘋果維生，安仔坦言Sammi是個古怪的人，相識多年對她甚為了解，如今見Sammi回復昔日光彩，安仔以坦蕩蕩來形容蛻變的Sammi。
香港電影發展局前晚在金鐘萬豪酒店舉行計劃開展儀式暨聖誕酒會，出席的圈中人包括曾志偉、許志安、陳奕迅（Eason）、梁詠琪、林嘉欣及杜琪峯等，據曾志偉透露，政府於07年撥款3億給電影發展基金，目前只是用了約3,000萬，已有不少港片受惠，包括Eason早前拍電影《贖命》也是由政府撥款資助，在戲中Eason全以英語對白演出，令他大呼過癮。
有錢又想快樂
安仔有份主演的電影《親密》也是得政府撥款支持，他稍後將會處男執導，拍一部30分鐘獨立電影，會隨新碟附送，唱片公司也給予30萬製作費，演員方面他會碌人情卡，問他可會請鄭秀文演出？安仔說：「佢幾百萬片酬咁貴唔係咁易請，我唔係咁輕易碌呢張卡，不過如果我搵佢，佢應該肯拍嘅。」
談到Sammi早前在佈道會上自爆有一段日子情緒不穩，瘋狂減肥時，七日僅吃兩個蘋果維生，安仔說：「我都有睇新聞，佢係一個古怪嘅人，我同佢同公司咁耐知道佢乜嘢性格。」安仔又表示身邊有很多朋友也像Sammi般到教會，他們都很珍惜朋友，安仔有感而發說：「一個藝人廿歲入行，紅咗又想搵錢，有錢又想得到快樂，快樂唔係喺金錢上得到嘅，𠵱家見Sammi坦蕩蕩好開心。」
梁詠琪拒減價
對於Sammi自上教會後較前開朗，經常展示四萬笑容，安仔笑說：「佢四萬，我就九筒。」昨日安仔到了尖沙嘴出席手錶活動，並戴上價值500萬的名錶宣傳，他表示心中最名貴的手錶是爸爸生前所送的一枚。
此外，自金融海嘯後，部份藝人工作被壓價，梁詠琪表示未有遭明顯壓價，她說：「做藝人要保持自己嘅身價，我唔會隨便減價，遲啲我會去內地宣傳一啲品牌活動，下年又接拍電影。」至於霍震霆前晚被問及前妻朱玲玲再婚一事，他仍然只講「goodluck」。
採訪、攝影：張俊銘