現年44歲的吳啓華去年與23歲內地演員石洋子結婚，昨日終於榮升老竇，石洋子昨午在北京一醫院剖腹產下8.6磅重女嬰，母女平安。首次做老竇的吳啓華昨日表示心情興奮，雖然未為B女改名，但已為女兒取了豬豬這個可愛的小名。
吳啓華太太石洋子昨日揀好吉時，於昨午1時28分在北京著名的五洲女子醫院剖腹產女，母女平安。初為人父的吳啓華，昨日接受本報電話訪問時心情興奮地說：「生咗喇，係女嚟嘅，重6斤半（即約8.6磅），正常體重。我今日第一次抱B女，心情好開心好興奮，同時都好放心，因為初初都擔心有問題。個女應該多頭髮，院方畀咗頂帽佢戴住，所以睇唔到。」問B女長得像父親還是母親時，吳啓華說：「我唔識睇，個個初生BB差唔多，不過醫護人員話似我。」
夫妻眼濕濕
問啓華其太太可有感動落淚，他說：「太太入產房生之前有喊，可能緊張得滯，搞到自己都眼濕濕。」啓華表示太太開刀，他不能在產房陪太太生產，太太產後仍要在醫院休息數天才能出院。啓華安排太太在北京頂級醫院生女，費用豈非十分昂貴？他笑說：「都唔夠香港啲醫院貴。」為照顧B女，吳啓華表示已學習如何為B女冲凉、餵奶及換尿片，他說：「院方有教初生BB游水，托住個頭游吓游吓。」
小名叫豬豬
另一方面，吳啓華將找高人為B女改名，雖然名字還未改好，但昨日他在醫院接受內地傳媒訪問時，透露已為B女取了豬豬這個小別名。至於吳啓華接受傳媒祝福時，全程笑不攏嘴，心情勁靚，其間吳啓華表示會在內地為B女擺滿月酒，然後再在香港擺百日宴。
採訪：丁寧