11月擂台又玩完，畢傑天命難違，過得到蘋果波神嗰關，最尾一日又俾戰鬥員A反過頭，最後結餘以$58,445過終點。我一向大部份嘅月份都有盈利，不過仍難逃宿命再做二奶。唔通我係港產爛片《二奶村之殺夫》嘅主角鄭艷麗？抑或員A真係太空戰士嘅威E咁勁？上年12月擂台我標尾會做盟主，今年要再做1哥！
上期講過Campione派新波衫用咗愛隊祖雲達斯個款，但我獲派25號就唔鍾意個冧巴；點知領隊肥佬Alan打電話畀我，話幫我印我着咗10幾年嘅23號，開心到爆！贏錢更開心，跟我買貝廸斯就得喇。
主客和：貝廸斯勝
心得：愛奴換教頭大晒咩？
近5場往績：WLLWW
畢傑
就算朗拿度點沉淪，我依然最愛呢個死肥仔；聖西路小天地唔啱你，請過祖記。