寰宇老闆林小明和太太趙雪英婚變，旗下的江若琳被指是第三者，她近年備受公司力捧，師姊李彩華（Rain）卻人氣下滑，傳她有意用400萬元贖身解約。Rain前晚除黐實趙雪英出席活動，又公開稱讚對方是恩人，形容彼此關係很好，未知她可是利用這些關係力挽頹勢？
李彩華近日傳出主動向寰宇提出解約，經理人要求她支付400萬元方可贖身，Rain前晚黐實正與寰宇老闆林小明辦離婚的趙雪英，到圓方出席「高先10周年電影回顧展」開幕酒會，同場還有林嘉欣、蔡少芬、王晶和馮德倫等人撐場。
「佢係我恩人」
問Rain是否與趙雪英共同進退？趙雪英說：「我唔識答。」Rain則大賣口乖：「趙小姐係我恩人，我哋關係好好。」到底Rain是否用400萬元與寰宇解約？她說：「我𠵱家仲係寰宇，其他問題唔講得。」那誰會支付400萬元贖身費，趙雪英現在雖仍是寰宇老闆之一，但稍後可會另開公司力捧Rain？她說：「呢一刻都冇諗過開公司，但暫時冇，以後唔知。」
Rain前晚與趙雪英糖黐豆，如影相隨，Rain說：「不嬲都一齊，佢喺我最需要時幫過我，我永遠記得大家係好朋友。」Rain可覺寰宇近日重點力捧江若琳，資源被分薄，因而受公司冷落？Rain說：「冇乜分唔分薄，我化妝梳頭有贊助，平時做嘢自己揸車。」有報道指趙雪英早前返教會與江若琳同場，趙雪英說：「我當日唔知佢嚟咗。」將來碰面可會傾談？她說：「唔知到時心情點。」
此外，陳冠希的慾照風波影響，令他主演、周星馳有份投資、馮德倫執導的新片《跳出去》，不獲內地解封，陳冠希的戲份要全部刪剪，另覓男角重拍。
馮德倫忙補戲
馮德倫前晚說：「套戲未送檢，唔關內地事，重拍係公司商業決定，補拍嘅投資過100萬。農曆年後會開拍，人選未定。」同場的王晶早前被指偷步發行電影《野蠻秘笈》影碟，其工作室被頒令清盤，他說：「𠵱家傾緊和解，好小事。」
採訪：魯萍
攝影：仇志德
