尚有三星期就到聖誕，雖說今年經濟差人人自危，但難得一年一次聖誕，總要悉心打扮出外威吓、玩吓、瘋癲吓。不過既然穿着高貴裙子，又怎能披頭散髮？記住聖誕髮型三個要點：露額、扭髻、靚髮飾！睇埋網上《完美主義》學埋點樣自己Set頭，到聖誕就唔使假手於人啦！
記者：郭佩韻
攝影：林栢鈞
Model：Hiedi@HongKongStar
Hair：Rodman@VIAILCOLPO
今日主題 聖誕派對髮型
逢星期五
12:30pm
Rodman有超過13年髮型設計經驗，曾擔任多個國際品牌時裝表演的髮型設計，亦曾是香港多位藝人的髮型師及曾擔任香港小姐及華裔小姐選舉的髮型顧問。
節目內容簡介：
聖誕節大家都會打扮靚靚去參加派對，髮型也當然要配合得恰到好處，高貴而不過份浮誇的頭髮造型就最適合不過，今集介紹聖誕頭箍扭髻髮及高貴重叠髮髻，教大家Set個靚頭去Party啦！
網址： http://beauty.appledaily.com
高貴孖髻
家陣大部份女仔都識得紮髻，但欠缺新意，原來把兩個髮髻重叠起來，就可以做出高貴造型，還可配上髮飾令整體感覺更Grand。髮型師Rodman話：「先將耳仔以下髮尾捲鬈，造型會較易控制，不過切忌捲得太高會過於老套。扭髻髮型可在側面夾上頭飾，配襯Casual服飾時頭飾可花巧些，用大花或帶閃帶石的均可；相反服飾浮誇則可用幼身細小的頭飾或帶閃的頭箍。」
1.將頭髮分前後左右四部份，用熱捲器將每部份頭髮逐一捲鬈。
2.然後用橡筋將頂頭頭髮紮成一束。
3.將下半部份頭髮逐一小束圍繞頭頂紮好的髮束，捲兩個圈後用髮夾夾穩。
4.上下部份頭髮紮好，將髮束所有髮尾，細分小束捲上頭頂並用髮夾夾穩。
頭箍扭髻髮
聖誕節總跟閃物有關，別以為帶閃頭箍會太單調，扭完髮髻後加上頭箍，髮型會有不同效果，但造型則會因髮質而有所影響。Rodman建議：「如果頭髮太亁者，可先用髮泥搽在髮尾，令頭髮有滋潤又或在家中做Treatment。只要搽些護理產品，再用熱毛巾包好，焗10分鐘，一個星期做一次就夠㗎喇﹗」
1.先把頭頂頭髮向後分出，逐一小束提高，用扁平梳向下刮，刮鬆後噴上定型噴霧。
2.將未刮鬆的下半部份頭髮紮成一束，順時針方向扭圈，再用髮夾夾穩。
3.然後將上半頭髮紮成一大束，順時針扭實成髮髻並用U形髮夾夾穩，最後按喜好戴上兩色頭箍。
4.後面﹗
鹽水噴霧造型易
有時頭髮太亁，紮頭髮會很鬆不夠力，噴太多定型噴霧又感覺頭髮不亁淨，洗幾次頭才清潔好，怎辦？建議造型前先護理頭髮，加精華素增強頭髮營養，還有使用鹽水這造型法寶，滿意髮型好易做到。
ReneFurtererMyrrhea順直貼服精華素$295（a）
洗髮後均勻塗上，毋須冲洗，或於吹頭後，塗在亁髮上，頭髮自然變得順直滋潤。
FaddySeaSaltSpray鹽水$48（b）
（12月18日上市）
頭髮不夠力度，造型困難，可噴上鹽水令頭髮蓬鬆，令頭髮有立體感，造型更易。
查詢：
（a）ReneFurterer@莎莎（25055023）
（b）萬寧、屈臣氏等各大化妝品店有售