最近天氣乍暖還寒，不過一班女星為了漂亮，縱使捱冷也要性感出席活動，趙碩之、徐淑敏、文詠珊（JaniceMan）和戴夢夢昨日就以背心短裙擔任剪綵嘉賓，微波一族Janice和戴夢夢罕有拋胸上陣，相反巨胸一族趙碩之和徐淑敏的衣着卻未算突出，明顯遜一籌。
趙碩之、徐淑敏（Suki）、文詠珊、戴夢夢和北京模特兒蔣欣妍昨日悉心打扮，在銅鑼灣出席壽司店開幕禮，之後還試做日式手卷。趙碩之和Suki均屬有料之人，Suki更被封為咪神，昨日兩人的衣着卻明顯比以往保守，Suki身材更看似降了一個cup，反觀微波組的JaniceMan和戴夢夢卻罕有拋胸上陣，騷一騷微波。
趙碩之逼爆衫
做手卷時，夢夢不時夾胸任影，Janice則較小心，不時用雙手掩胸，被狂影時也顯得尷尬，Janice說：「因為有啲凍，同埋咁多人影，我都有啲驚。」
趙碩之和夢夢的服裝由大會安排，碩之更表示真空上陣，她說：「噚晚去試衫都啱身，點知今日就改窄咗，搞到我連胸圍都戴唔到，不過都好貼身，所以唔怕走光露點。」夢夢卻玩大踢爆：「佢直情逼爆件衫啦，我頭先幫佢拉拉鏈，都係啱啱好，仲叫我借個nudebra畀佢，我得A咋，點借呀，都唔知遮到佢邊度，可能淨係遮到兩點。」
Suki咪咪冬眠
咪神Suki的胸部突然降cup，她笑說：「我最近瘦咗，可能都縮咗一cup，我經常時大時細，有時都要轉吓型。」問她冬天時咪咪是否要冬眠？她笑說：「係呀，佢眼瞓嘛。」是否因為趙碩之在，故此怕有比較？Suki說：「唔需要要刻意比較，我都唔知佢係嘉賓。」
採訪：胡比 攝影：葉君海
