金融海嘯下，有危一樣有機。陳法拉昨日在金鐘亮相聖誕活動，她笑言因經濟差而消瘦，更不慎離罩，她又自爆因經濟下滑，雖然炒股蝕錢，但她在美國以7折購入銀主盤。
陳法拉昨日與混血女模AmandaStrang在金鐘太古廣場宣傳聖誕活動，陳法拉戴上Chopard價值1,633萬元的紅寶石頸鏈，珠光寶氣，身穿tubedress的她卻不慎離罩，她直認瘦了不少，並說：「瘦咗幾磅，𠵱家得108磅。」
不捨得被裁同事
對於TVB裁員凍薪，對法拉可有影響？她笑說：「係呀，所以瘦咗。其實我之前去咗美國登台，噚日第一日返化妝間，見到啲化妝、整頭阿姐執嘢走，心入面都有啲唔捨得。」她謂自己整體收入沒有減少，聖誕因要拍劇，所以沒有太多登台搵錢機會。陳法拉卻因金融海嘯而買到平樓，她說：「我喺美國執到一幢平樓，平咗30%，係直接同銀行買嘅，應該係房貸美啲供唔起嘅樓。」
Amanda遇試食團
陳法拉謂以自己名義買，讓父母居住，她說：「我賣咗啲股票嚟做首期，都蝕咗啲錢，但層樓就賺到錢。聖誕我會照shopping，都要買靚衫過節。」
米芝蓮港澳星級食肆名單前日揭盅，精於美食的AmandaStrang透露曾遇上米芝蓮神秘試食團，她說：「我前幾日食飯，撞到佢哋喺隔籬枱，佢哋好relax咁叫咗好多嘢試，我都有偷聽佢哋講嘢。」
對於香港只有四季酒店龍景軒獲得三星評級，AmandaS.說：「我食過，覺得幾好，啲點心要用好多功夫，好特別，我最鍾意食蝦餃。」昨日性感低胸上陣的她自覺胸部大小適中，男友也沒投訴，問她男友可有投訴她與中田英壽食飯？她說：「大家都有自己ownlife，我同男朋友嘅女仔朋友都係好朋友，化敵為友，安全啲。」
採訪：RitaLeung
攝影：RickyIp
