地產商推新盤「好地地」，正當不少人以為本港樓市可以略為回穩之際，滙豐銀行卻突然大幅加新造按息，此舉無疑令樓市氣氛再打折扣。
另外，星俠在股場聽到，有散戶手持物業已經「供甩」，諗住將之按予某銀行套現；佢每月收入不俗、又穩定，兼且在某銀行「打簿出糧」。睇到呢度，以咁條件，照計冇理由銀行會唔受，但事實銀行真係唔受，亦冇畀理由點解唔批。該散戶當然無癮，佢認為若然條件不合，還情有可原，家陣銀行「放水」態度根本不近人情。
美股大跌，港股昨跌700多點並不出奇，但散戶如有細心留意，應見到不少中資股雖然隨大市下挫，惟實際沽壓未算好大，其中一隻就係第一上海（227）。
短炒0.6元止蝕
目前大陸救市已遍及各行業，基建、地產、銀行，家陣連人民幣都貶值救出口及中小企；唯獨股市未有相關振興動作。有分析估計，月內或有拯救股市消息出台，因資本市場搞得掂會衍生財富效應，有助刺激內需。
第一上海前日曾急升至0.72元，昨略為回吐，收報0.69元，不過成交萎縮，兼低位買盤積極。第一上海今次升浪仍未破壞，料將伺機爆上，短炒目標1元，以0.60元止蝕。
方星俠