無綫《勁歌》頒獎禮未到，各大熱門各有各忙。陳奕迅（Eason）昨日到跑馬地馬場出席港台活動，談到身體健康問題，Eason表示已為50歲後身體作準備，現在已減少食街邊如魚蛋等小食，每年也會做身體檢查，他說：「爹哋後生都捱得好辛苦，佢都有叫我唔好衝得咁勁，我都有聽。」問Eason有否戒煙？他沒有正面回答，只說會努力接受挑戰。
基仔輔導朋友
古巨基則到銅鑼灣出席聖誕活動，現場有十幾位身穿聖誕裝的小朋友與他合照。基仔表示身邊有不少朋友受到金融海嘯影響變得很消極，他說：「我會輔導佢哋，我會做聖誕老人向朋友派禮物，畀番正能量佢哋。」
此外，楊千嬅昨日在奧海城出席《2008年世界愛滋病日活動開展禮》，近日香港經濟轉差，連無綫都要裁員凍薪，千嬅說：「我公司（Amusic）當然冇問題，不過之前我喺樓市都蝕咗六位數字，都好肉赤，搞到精神壓力好大。」
採訪、攝影：林惠卿、藍嵐、陳慧安