美股前晚大插，噚日亞洲股市冇運行，港股跌咗702點收市，成交只有385億元，沽壓唔算大，如果美股企番穩，港股應該可以升番上20日線樓上。
美股突然急挫，所謂嘅壞消息其實大家一早已知，反映𠵱家仲係人心虛怯，大波動嘅市況仲未過去，大家入市過夜嘅注碼不宜太勇。人民幣呢兩日突然腳軟，市場揣測係中美戰略經濟對話嘅前哨戰，人民幣係咪貶值，美財長保爾森呢個禮拜同副總理王岐山見完面就會好清楚。
中移動C輪14870：中移動（941）噚日力守70元關，報收70.30元，跌幅3.3巴仙，算係溫和，68至70元有好大支持，可以上試100日線（82.30元），諗吓隻C輪14870，昨收12.2仙，有效槓桿3.3倍，正股升上81.70元，14870可見19.7仙，正股跌穿66元就沽咗隻輪止蝕。
俊樺