由公仔箱跳入樂壇的黃宗澤（Bosco），處男唱片即將推出。日前Bosco和靚女模特兒為新碟拍攝錫面、瞓大髀及嘴對嘴輕吻等親密照，但他卻指拍照時要跪要用腳撐又要彎身，大嘆辛苦。
黃宗澤將於後日推出處男唱片《InlovewithBosco》，由於碟中有不少情歌，故此攝影師找來21歲靚女模特兒Wiyona和Bosco一同拍攝親密照營造浪漫感覺以配合大碟主題。
Bosco和女模特兒要拍攝一連串如錫面、擁抱及瞓大髀等親密動作，看似艷福無邊，但原來Bosco有苦自己知，他笑說：「影相時我要就晒位，個人處於半跪狀態，用一隻腳撐住，又要彎低身，搞到成日失平衡。」
另外，Bosco和Wiyona又要互相深情對望，最親密莫過如嘴對嘴輕吻，但由於拍攝時旁邊有很多工作人員昅實，搞到Bosco相當尷尬，他笑言：「拍劇拍親密戲都有對白，但影相就要投入表情，加上咁多人望住，咁啱嗰日樂小姐又喺度，不知幾大壓力。」
撐關菊英攞金獎
Bosco坦言首次出碟壓力大，他解釋：「公司話要賣到金唱片（兩萬張），又話要攞金獎，我覺得做咗歌星真係好甘，所以已經攞咗『甘』獎，但我相信努力會有回報。」至於有否想過和緋聞女友胡杏兒一同上台拿新人獎？Bosco謂這些他預計不來，但他最想「Sa姨」關菊英的一曲《無心害你》得金曲金獎，Bosco說：「我都係家好月圓一分子，當然想菊姐得，呢首歌唱到全港冇人唔識，好應該得大獎。」
撰文：葉雪
