劉鑾雄（大劉小圖）噚日如常同甘比（陳凱韻）前後腳到福臨門食晏，佢哋同樣着深色衫，不過甘比滿面愁容。其間呂良偉同呂爸爸咁啱喺度食飯，阿呂仲細心攙扶父親。約個半鐘後，大劉同甘比先後離開，有線記者問大劉對舊愛李嘉欣喺福臨門擺酒冇請佢，有冇唔開心？大劉充耳不聞，上車直返公司，到5點幾就去皇朝會消遣。