訪問身兼多職的音樂人、樂評人黃志淙，最亮眼先是不修邊幅的造型，起初以為會很Cool，接觸過後發覺他其實很溫和，自從兩年前女兒清意出世後，還特地減少工作量全心照顧女兒成長，更每日給女兒聽不同種類的歌，不會只有兒歌，難怪歲幾有人未識叫阿媽，但清意一聽過的歌就能分辨誰是主唱，嘩，二十年後的樂評人！
記者：林佩婷
攝影：陳盛臣
音樂無界Kylie照聽
訪問這天，黃志淙特地帶清意到商場的聖誕幸福摩天輪玩耍，原來當中的70首配樂全由他選曲。「首先，我不選常聽的普通歌而揀了拉丁、夏威夷的聖誕歌。第二，是有遊樂場、古典Feel的電影配樂。最後，選些能勾起美好回憶的金曲，如《OvertheRainbow》等。」玩着、聽着，清意竟忽然說起披頭四，原來背景音樂正播着，最最叫人驚訝的是，兩歲細路竟講出那段是JohnLennon所唱的！黃志淙解畫：「我好鍾意披頭四，屋企飯枱幅牆有張披頭四海報，有時邊播歌我就邊對囡囡指住係邊個唱。久而久之，佢歲幾就聽得出係邊個成員唱緊。」哈，就連這天，黃志淙在中環接受完訪問，即趕入赤鱲角聽Kylie演唱會，當然，係帶埋囡囡去喎。
最近迷上《MammaMia》
不只披頭四，早在太太懷孕時清意已接觸不同音樂。「太太懷孕時唱片公司送咗成套莫札特系列畀我，古典、Jazz都聽。到清意出世，更加入兒歌、聖詩等，有時仲會播MV佢睇。我同太太都好音樂，所以希望囡囡都鍾意。近排囡囡比較鍾意NorahJones《Sunrise》同《MammaMia》原聲大碟，仲會自己主動去開DVD機聽。」才兩歲，不怕電器危險嗎？黃太Yvonne即刻話無所謂：「大人成日唔准小朋友做呢樣嗰樣，其實細路係張白紙，你越唔畀只會有反效果，倒不如教佢點用，好似屋企部DVD機，佢識拎自己想聽嘅碟去播。遇着食飯時間，就同佢講食完飯先聽，佢就會乖乖咁去熄機。」
傳統學校學好中文
好多父母有能力的話，都會為子女選讀國際學校，但黃志淙偏偏說要為女兒揀選傳統主流學校。「讀國際學校唔係唔好，但我希望囡囡有比較好嘅中文底子。聽專家話想教好小朋友語文，兩夫婦用語一定要分得清。我主力同囡囡講廣東話，太太就講英文同國語，所以學外語問題唔大，惟獨希望佢學好中文。」
推行綠色生活
多聲道加傳統教育外，黃家還推行綠色生活教育。「到超市選購食物都會小心研究，就連囡囡食嘅蛋、奶粉都係有機。但我指有機唔單止食物，仲要有綠色健康生活，好似得閒帶佢去草地散步。其實聽音樂都有呢個元素，可以令人更懂得欣賞同愛，亦都算係綠色生活一種。」在黃家的生活字典裏，音樂果然無遠弗屆。
我的音樂CheckList
囗最愛梗係披頭四，我叫得齊佢哋四個名。
囗媽咪喺夏威夷出世，當地音樂我成日聽。
囗兒歌之中最愛芝麻街。
囗《仙樂飄飄》都係飛佛。
ifc幸福摩天輪
日期：即日至09年1月2日
地點：中環國際金融中心商場1樓中庭
查詢：22953308