韓國男星元斌日前到咗紐約為香港《君子雜誌》拍攝封面同專輯照片，佢仲喺紐約中央公園接受雜誌訪問。雖然嗰度名店林立，但元斌寧願走去踩單車，曬到鼻紅紅，佢認為所有大都會其實都係一樣，紐約同首爾分別唔大，人人各有各活動，而佢就只感到有啲寂寞，所以要去運動一下。元斌仲喺雜誌講吓自己嘅願望，佢渴望將來可以成為受兒子尊敬嘅父親。