因通姦罪而面臨判刑一年半嘅韓國女星玉素利，由於佢9歲大囡囡跟咗前夫朴哲住，玉素利同前夫反咗面，所以成年冇見過個女。玉素利噚日凌晨寫blog抒發掛住個女嘅心情，話知道個女因為爸爸媽媽呢件事而受到傷害，令佢好心痛，仲話個女可能因為咁而嬲咗佢。佢希望等個女大個，識得理解佢嗰陣，先同佢交代番件事。