譚詠麟（阿倫）前晚喺成都開個唱，倫媽都有捧場，最特別係今次個騷平飛只係60蚊人民幣，創下巨星演唱會最低票價。雖然現場觀眾得七成，不過馮仁昭收到風話一早已經回本。成個騷都好熱鬧好開心，阿倫一開波就唱快歌，仲掟糖果落台，好似落雨咁，搞到班歌迷好high，最誇張係有內地傳媒影到阿倫隻牙有血迹，唔通佢落力得滯唱到流牙血？