郭氏三兄弟鬧不和，睇怕都可以上到今年嘅風雲人物榜。原來唔止地產界有郭氏兄弟，公民黨都有一對，不過佢哋係感情好好嗰隻。身為細佬嘅郭榮鏗（Dennis）係年輕大狀，近年喺公民黨好活躍，同陳淑莊被視為金童玉女，更被睇好為法律界吳靄儀接班人。
新一屆公民黨改選，Dennis會代替湯家驊出任經濟及公共財務政策支部主席。近期雷曼事件搞到滿城風雨，睇怕Dennis有排忙。
原來Dennis個哥哥郭榮臻都係公民黨黨員，係建築及設計顧問，但過往較少露面；新一屆就肯定會多啲亮相，事關佢已經同細佬睇齊，出任環保及可持續發展政策支部主席。