聯賽6連勝的榜首聖保羅，周日迎擊富明尼斯時，如果和波未夠分封王，但贏波就即時宣佈歷史性地取得巴甲3連霸！我估計今役節奏不會明快，1.45倍W可捧，惟料僅熟開「和」。
畢傑
球賽編號：星期日56
聖保羅vs富明尼斯(now633台直播)
03:00 01/12
巴甲只餘下兩輪秩序，目前榜首聖保羅已領前次席甘美奧5分之多，基本上已手執半隻盃耳。由於巴甲賽制較特別，如最終兩隊積分相同，會先計算贏波場數去分排名，其次才計算得失球差。
季尾演出穩定可靠
以現時形勢為例，71分的聖保羅（勝20場）領前66分的甘美奧（勝19場）5分，假如聖保羅最後兩周只得1和1負，反之甘美奧全勝的話，屆時兩者便會同得72分，惟甘美奧則會以21場勝仗奪得冠軍，故說聖保羅今役賽和富明尼斯仍未可提早封王。
然而，聖保羅季尾演出非常穩定，所有賽事計已17場不敗；而今周主力如波基斯、曉高及靴蘭尼斯等全可披甲，即「夫添」迎擊對手。
客軍富明尼斯暫排第13位，現只需一分便可宣佈護級成功，故認為今役會嘆慢版，不會與勇銳的聖保羅正面對撼。富軍同樣可強陣出戰，包括上仗對國際體育會射入12碼的前鋒華盛頓、中場干卡及艾路卡等均可上陣。
近仗對賽取勝全「細」
個人認為兩者各有所需，戰情料不會出現駁火情況；至於往績亦早有啓示，近年聖保羅迎擊富明尼斯未嘗大手交易，近6次得4勝1和1負全開「細」，而聖保羅4場勝仗俱是小勝對手1:0。
我信聖保羅的戰意，因贏波即可歷史性地聯賽3連霸，惟應屬「睇定嚟食，小心為上」的格局。1.45倍單W算是穩陣，聖保羅[-1]的話就取3.45倍「和局」。
星期日56
聖保羅vs富明尼斯
半全場：和/主
盤口：聖保羅[-1]
讓球主客和：D和局
1:0