今日〈你想知 想講 想問？〉問題見刊各版，請即上《蘋果》網頁http://appledaily.atnext.com留言喇！
或電郵至mailto:[email protected]
傳真：37112411
手機短訊：63836568
本欄會選登部份讀者的回應。
●警隊不利消息多多，前日一名O記幹探，因妻子懷疑他在外沾花惹草而揚言離婚，幹探取出佩槍自轟身亡。你對此有何意見？
呢排頻頻有警務人員出事，香港警察已經腐爛到乜嘢程度？我諗𠵱家係要認認真真清理一下的時候。鄧竟成做嘢喇，唔該！如果唔係就變咗「鄧一事無成」喇。──HKG
現在警察太多不冷靜處事的人，叫我們市民如何相信警察的能力與道德呀。──Doreamon
●恒基地產主席李兆基自股市逆轉後，不敢再為散戶指點路向，日前他出席一公開活動後，更說要跟隨股神畢菲特入市。你對此有何話說？
四叔，你都好過其他老闆，輸都係輸自己錢，冇連累公司，亦唔影響旗下員工，輸錢都輸得咁有品，希望你將來贏多啲。──sk估叔
股價有上有落，保存實力後，再重組投資組合，相信幾年後，四叔可再登上萬股神中之神寶座。──包黑子
●公立醫院醫療失誤層出不窮。一名癌症病人到屯門醫院完成放射治療後，竟被獨留在電療室內逾一小時，病人組織批評事件中的醫護人員「冇帶個心返工」。你認為批評合理嗎？
每次發生事後都推諉不夠人手，要幾多至夠？市民無法監察，醫管局透明度極低，以這份所謂風險通報，向傳媒講冰山一角的東西，怎會進步？──ichat
離晒譜，邊個有份都應該要炒！做錯仲有得升職，亂嚟！再係咁，香港無好醫療喇！──隱形人