近來全球經歷金融海嘯，經濟蕭條，藝人都要面對市道唔好，冇job壓價樣樣齊，所以藝人都要睇住荷包嚟使，咁啱近嚟又有唔少名店進行大割價促銷，吸引唔少藝人都趁機會去買平嘢置裝，希望慳得一蚊得一蚊。
關仁早排都有去某個品牌嘅減價場，希望可以買番幾件筍嘢，喺現場見到「黑珍珠」，雖然佢係公眾人物，不過佢都唔怕其他市民眼望望，一於去執靚嘢。現場見黑珍珠都好狠，四圍猛搵平嘢，唔使幾耐已經手執好多件戰利品，當佢興高采烈諗住去埋單之際，因為現場只收現金，點知黑珍珠帶唔夠Cash，佢又一個人冇朋友幫手，最後惟有忍痛割愛放低幾件戰利品頭耷耷咁離開。
Textby關仁