花旗感恩節假後半日市，道指升102點收市，報收8829，靠近9000關，成交雖然淡靜，但道指突破20日線，技術上可試9800，以上周的技術走勢同成交分析，今晚花旗股市無論升跌，只要成交顯著增加，好大機會出現連續兩日上升或下跌嘅場面。
港股今日可以食住美股升勢推上，短線目標係條50日線，即係15056水平。短線炒賣，仍然係中資股秤先啲，中央大力刺激內需，汽車股會受惠，可以留意駿威（203）。
駿威C輪14934：駿威上周五收2元，升破50日線，睇嚟好快會試條100日線，即係2.30元，破到呢關，上升空間好大，睇2.60元樓上，可以諗吓隻C輪14934，現價27仙，有效槓桿2.9倍，正股升上2.60元，14934睇55.8仙，正股跌穿1.85元，就沽咗隻輪止蝕。
俊樺