【本報訊】裁員減薪潮此起彼落，有35年歷史的安記海味雖然過去兩個月生意額減少超過一成，但仍向旗下60名員工保證不裁員及不減薪，農曆新年前更會向員工派發一個月雙糧及一個月花紅，即員工今年最少獲14個月糧。老闆潘權輝說：「賺幾多唔緊要，最緊要贏個品牌返嚟，員工做都會落力啲。」
「唔想待薄班員工」
安記海味現時在上環、油麻地及元朗設有分店，潘權輝不諱言，公司近十年都有錢賺，故每年都最少向員工派發14個月糧，最近生意額雖然下跌，但不希望改變傳統，而個別表現出色的員工，更會再額外獲發獎賞。
潘權輝強調：「無論係97年嘅亞洲金融風暴，定係03年嘅沙士疫潮，我哋都未試過減雙糧同花紅。」
他表示，繼續發放花紅有助激勵士氣，對店舖有百利而無一害，「有啲員工跟咗你20年，個個有兒有女有家庭，唔想因為一時之間嘅低潮，而待薄班員工。」
潘權輝又預計，未來一年香港經濟仍受金融海嘯影響，故公司已預留一筆資金，應付這場硬仗，公司更計劃在新界區再開一間分店。