分三部曲上映嘅真人版電影《20世紀少年》，第一章早前喺港日兩地大收旺場，第二章下月喺日本公映，香港預計明年4月先上映，日前片中演員常盤貴子、唐澤壽明、黑木瞳同幕後工作人員逾百人等，喺東京出席電影慶功派對，眾人盡興至凌晨先離開。另外，近日有外國電影網站上載第二章嘅全新預告片，故事背景已到咗2015年，奸角「朋友」已擴展勢力，豐川悅司同常盤貴子都以中年look亮相。