日本組合TOKIO主音長瀨智也今年初同合演日劇《歌姬》嘅偶像女星相武紗季撻着，兩人拍拖近一年依然打得火熱，日本雜誌《FRIDAY》日前就偷拍到佢兩個喺東京麻布十番拍拖食晏，十分煙韌。一路上，相武公然挽住長瀨手臂，飯後兩人揸車返愛巢，之後再帶愛犬去超級市場購物。此外，長瀨本月7日喺西麻布一間夜店舉行派對慶祝30歲生日時，發表明年結婚宣言，睇嚟兩個好事近。