101歲的六叔邵逸夫，前晚在無綫員工頒獎禮上大受員工及藝員歡迎，老老嫩嫩爭相與六叔合照留念，令他猶如人肉佈景板一樣。其中攞10年金牌的謝天華透露已成為無綫親生仔，揚言會向攞視帝進發，令盼明年攞視帝的林峯又添一個強勁對手。
無綫前晚在九龍香格里拉酒店舉行「長期服務暨傑出員工榮譽大獎頒獎典禮晚宴」，獎勵連續服務30年、20年及10年員工，其中服務30年者包括鄭裕玲和鄺佐輝等，每人可獲一両半足金金牌，但前晚二人均未有出現。
謝天華爭視帝
李克勤與胡楓（修哥）、馬海倫、麥包和李麗麗等攞20年「老人牌」，每人可獲10錢重金牌。至於服務10年者包括林峯、吳卓羲、楊怡、謝天華、徐榮、周家怡、魯振順和陳秀珠等，每人可獲3錢紀念金牌一個，但林峯因未趕及返港而未有出現。
身為無綫行政主席的六叔邵逸夫，前晚與太太方逸華十指緊扣出席活動，101歲的他披上紅色大頸巾，精神相當不俗。現場不少藝員一見六叔即表現得相當興奮，紛紛走上前跟六叔合照，如楊怡、謝天華、胡楓、吳卓羲和馬海倫等等，一時間令六叔如人肉佈景板般受歡迎，而在旁的六嬸方逸華見狀還不時提六叔望鏡頭。
楊怡談到第一個10年，經歷過不少辛苦日子說：「自己成績都OK，不過諗番轉頭好快，好多經歷唔記得，尤其是辛酸嗰啲，但開心就記得。」謝天華對過去10年成績也感滿意，他說：「發展越嚟越多，戲份越嚟越重，收穫幾大，但人係貪心，想得到越多，想向視帝進發，我啱啱同TVB簽咗經理人合約。」
陸詩韻搞生意
至於擔任司儀的陸詩韻加入無綫只有3年，問是否想攞10年金牌時，她說：「唔敢諗咁遠，有嘢做住先。」莫非她有意改變發展？她說：「唔係，做MC（司儀）每年有好多新女仔，會俾人淘汰，未來一、兩年我都會喺呢度發展，但自己好想做生意，有自己事業。雖然爸爸喺東莞開廠做製衣，但自己對製衣冇興趣。」記者問到近日內地不少工廠倒閉，其父可受影響時，她說：「爸爸生意OK，定單接到明年。」
採訪：卓寶花
攝影：陳慧安
